Luttenberg Top700
Electromusic FM RADIO ONLINE 24/7
play_arrow
London Calling Podcast Yana Bolder
play_arrow
Summer Festival Podcast Robot Heart
play_arrow
Electronic Trends Podcast Aaron Mills
play_arrow
New Year Eve Podcast Robot Heart
play_arrow
Techno Podcast Robot Heart
play_arrow
Flower Power Festival Podcast Robot Heart
play_arrow
Tech House Podcast Robot Heart
play_arrow
Winter Festival Podcast Robot Heart
Op 3 december 1982 wön hij wēreldkampioen damm’n; Jannes van der Wal (* Driesum, Fr. 12 nov. 1956). Jannes was een uutzonderluk man en zeekes gin ‘dartiene in een dozien kjeal’.
Nēūst wēreldkampioen was hij ok 4 moal Nederlaands kampioen, een keer jeugdkampioen én 4 moal sneldamkampioen. Hij was zowel Nationaal as Internationaal Grootmeester.
Mà Jannes was ok een éénling, een kjeal die nie oltied begreepm wön en ok iemand die zelf de wēreld oltied nie begreep. Zo vèrscheen hij op tullevisie een paar daagn noadet hij in Brazilië de beste dammer van de wēreld wön was. Det was in de show van tv-icoon Mies Bouwman. Jannes had thuus zelf gin tullevisie of radio en niks gin sjoege van de media en de extra vèrstarkende uutwarking doarvan deur zien zojuust vèrwörv’n roem.
Hij kwaamp kats nie uut zien woard’n en wol nie vèrtell’n hoe oald as hij was want det was een domme vroage van Mies. Zien ‘gegevens’ waan immers bie de redactie bekend.
’t Optreedn was ’s aander’ndaags hèt gesprek van de dag in Nederlaand. Een paar moand laater leut Jannes zich kot opnemm’n in een psychiatrische kliniek. En det hielp want doarnoa zoln d’r nog velle tullevisie-optredens volg’n.
Jannes was ok heel muzikaal. In zien kamer steun een piano woarop hij goed uut de voet’n kon.
Hij had ok mooie citaatn zo as:
“Een dammer pröt nie velle. As hij noar de bakker gíét zegt hij bèveurbeeld; één brood.”
Of: “Een mēnse wut geboar’n, een mēnse gíét dood. Doartuss’n bestíét d’r de meugelukheid’ um te damm’n.”
Íén van de meest bekende gebeurteniss’n die Jannes met maakt’n was toen hij op weg noar een partieje damm’n veur het Nederlaands Kampioenschap in de trein in sloap was e-vall’n en zodoende de wedstrijd miss’n.
En wie weet, zat in diezelfde trein mèschien wè Rudy en hebt ze mekaare nog e-sprökk’n. Rudy was ok een bettie zo as Jannes, een einzelgänger die muujte met relaties had. Halverwēge zien lēēmsreis, deur de Engelse band Supertramp be-zöng’n as een denkbeeldige treinreis, kump hij d’r achter det ’t met de liefde nog steeds nie lukt is. En doar weet Rudy zich, ondaanks olle adviez’n, gin goed road met.
Op ’t laatst’n kump hij uut de bioscoop woarin hij e-vlucht was um de bittere warkelijkheid nie onder oogn te hóém zíén, um vèrvolgens zien lēēmsreis dan mà weer op dezelfde vóét voart te zett’n.
Rudy stíét op 1 van mien favorietere albums, ‘Crime of the Century’ (uut 1974). Nie alleent ’t vèrhaal is mooi mà ok de muziek, met o.a. schitterend pianospel det bie wieze van sprekk’n ok mà zo deur Jannes zelf e-speld had kön wēēn. Muziek die nog mooierder klinkt met een koptullefoon op, en let doarbie dan zeekes ok op ’t midd’nstuk met fan-tas-ti-sche opbouw.
Jannes van der Wal stierf op 24 september 1996 in Groning’n, amper een wekke noadet hij de diagnose leukemie kreeg. Hij was töt slechts halverwēge zien lēēmsreis e-köm met zien 39 joar.
Rudy gíét veerder met zien lēēmsreis, elke keer weer aj dit prachtige líédtie beluusterd, ok à kump hij dan ok nooit veerder dan halfweg.
Töt slot een ½ uur durende documentaire um nog is herinnering’n op te haaln àn een markant Nederlaands persoon. (Let op: de video start pas in noa 20 second’n)
Plaatnportret geschreven door Leo van Krukkert. Ze’t Vèrlangen noar of de herinnering àn iets det d’r nie meer is en ok nooit meer zal komm’n, kan manks intens wēēn. Zo as ‘t vèrlangen noar oe jeugd, toen ie nog vrie van angst’n en zörg’n waan. Of de herinnering àn oe 1ste auto umdej doarnoa nooit meer een fijnere waag’n had hebt … of dinge met of in belēēfd hebt. Of […]
Plaatnportret geschreven door Leo van Krukkert. De wereld hef à velle roerige periodes e-kent. Ok in bèveurbeeld de sixties was d’r een bonke loos. P(hilip) F. Sloan skreef doaroaver ’n líéntie det Barry McGuire in 1965 op plaate uutbrach. ’t Gíét oaver van olles wat destieds speln; oarlog, rasnhaat, de atoombomme en de Chinese haat jegens ’t Westn. Mien pèsoonlukke mening oaver de huidige toestaand in Oost Europa is […]
Plaatnportret geschreven door: Leo van Krukkert Op 22 december 1972 wön d’r 16 oaverlēēvenden e-redt op 3600 meter heugte in ’t Andes gebargte. Sie waan doar 72 daag’n eerder neer-e-stört, saam met 29 aander’n. Slech weer en een navigatiefout waan de oarzaak. Direkt noa de crash waan nog 33 luu in lēēm die mosn zien te oaverlēēm in barre umstandigheed’n. Veurdeel was wè det de meest’n jonge starke kjeals waan, […]
Plaatnportret geschreven door: Leo van Krukkert.Noa 18 joar Leonid Brezjnev nam Youri Andropov in 1982 ’t stökkie van ’t leiderschap van de Sovjet Unie oaver. Hij heul ’t echter nog gin 1½ joar vol en toen kwaamp Konstatin Tsjernenko die ’t op zien beurte mà net iets meer as 1 joar volheuld. Mà hee, det was mooi wè net lange genog um een prominente rol op te eis’n in een […]
Plaatnportret geschreven door Leo van Krukkert. Bobbie Gentry is de artiest’nnaame van Roberta Lee Streeter (Chickasaw County, Mississippi), een Amerikaanse zangeres die geboar’n is op 27 juli 1942. Sie was een van de 1ste vrouwlukke country-artiest’n die zelf heur líédties skreef en was actief van 1964 tot 1981. In de countrywereld was ze redeluk succesvol met as absolute uutschíéter heur ‘Ode to Billie Joe’ det in de zommer van 1967 […]
Wij kijken terug op een donders gezellige middag/avond Samen met alle muziekliefhebbers en Top700 fans Dankjulliewel allemaal en (wellicht) op naar de volgende! In ieder geval: in 2024 zijn we weer van plan de Top700 te organiseren! (Ps. dat is volgend jaar al het aftellen kan beginnen) Dat wordt weer 5 dagen lang genieten nu al zin an!!
Opmerkingen plaatsen (0)