Luttenberg Top700
Electromusic FM RADIO ONLINE 24/7
play_arrow
London Calling Podcast Yana Bolder
play_arrow
Summer Festival Podcast Robot Heart
play_arrow
Electronic Trends Podcast Aaron Mills
play_arrow
New Year Eve Podcast Robot Heart
play_arrow
Techno Podcast Robot Heart
play_arrow
Flower Power Festival Podcast Robot Heart
play_arrow
Tech House Podcast Robot Heart
play_arrow
Winter Festival Podcast Robot Heart
Loat wie ’t is oaver water hem want det hebbe wie of-e-loopm harfst en disse winter töt nog toe gloepens velle had. En aj het oaver water hebt dan kom ie à gauw uut bie de gebroeders Angus en Malcolm Young van AC/DC. Nō ja, nie ech tuurluk, hoewel ze wè ooit emigreert bint noar Australië en doarbie olderbàssend velle water mosn oaverstekk’n.
AC/DC kump vaste nog wè is àn bod mà ik wolle ēēm een bruggie maakn noar 2 aandere gebroeders Young.
D’r is/was nameluk ok nog een George Young van de Easybeats (o.a. Friday on my mind) en d’r is een Alexander Young.
En beide bint breurs van de AC/DC-oprichters woarbie nun laastgenuumde bassist was van Grapefruit. Alexander is nie met emigreert noar Australië mà is in Engelaand e-bleem. Angus Young trouwens (den van AC/DC dus) woont deels ok in de Achterhoek in Aalten.
Zo en met disse umweg binne wie woar wie wēēn wult. Grapefruit is een band die eind joar’n ’60 mà 2 joar actief e-wes hef. Sie hàn connecties met The Beatles en John Lennon hef de bandnaame bedach.
Grote success’n hef de band nie e-kend. Hun single Deep Water van ’t gelieknamige album uut 1969 is wellicht nog ’t meest bekend.
’t Steun 11 wekk’n in de Top 40 met toch een mooie 5de plaase as hoogste notering. Een kot plaatie is’t wè, 2.14 minuutn, mà det is lange genog um de sfeer van toen weer op te roepm en te pruuvn. Let doarbie ok op de ech prachtige bas-tonen die Alexander Young met zien gitaar produceert. En doarbie, 2.14 minuutn in Deep en oavervloedig Water is lange zat. Wie hebt de laatste moand’n tenslotte lange genog in’t water zetn.
Plaatnportret geschreven door Leo van Krukkert. Ze’t Vèrlangen noar of de herinnering àn iets det d’r nie meer is en ok nooit meer zal komm’n, kan manks intens wēēn. Zo as ‘t vèrlangen noar oe jeugd, toen ie nog vrie van angst’n en zörg’n waan. Of de herinnering àn oe 1ste auto umdej doarnoa nooit meer een fijnere waag’n had hebt … of dinge met of in belēēfd hebt. Of […]
Plaatnportret geschreven door Leo van Krukkert. De wereld hef à velle roerige periodes e-kent. Ok in bèveurbeeld de sixties was d’r een bonke loos. P(hilip) F. Sloan skreef doaroaver ’n líéntie det Barry McGuire in 1965 op plaate uutbrach. ’t Gíét oaver van olles wat destieds speln; oarlog, rasnhaat, de atoombomme en de Chinese haat jegens ’t Westn. Mien pèsoonlukke mening oaver de huidige toestaand in Oost Europa is […]
Plaatnportret geschreven door: Leo van Krukkert Op 22 december 1972 wön d’r 16 oaverlēēvenden e-redt op 3600 meter heugte in ’t Andes gebargte. Sie waan doar 72 daag’n eerder neer-e-stört, saam met 29 aander’n. Slech weer en een navigatiefout waan de oarzaak. Direkt noa de crash waan nog 33 luu in lēēm die mosn zien te oaverlēēm in barre umstandigheed’n. Veurdeel was wè det de meest’n jonge starke kjeals waan, […]
Plaatnportret geschreven door: Leo van Krukkert.Noa 18 joar Leonid Brezjnev nam Youri Andropov in 1982 ’t stökkie van ’t leiderschap van de Sovjet Unie oaver. Hij heul ’t echter nog gin 1½ joar vol en toen kwaamp Konstatin Tsjernenko die ’t op zien beurte mà net iets meer as 1 joar volheuld. Mà hee, det was mooi wè net lange genog um een prominente rol op te eis’n in een […]
Plaatnportret geschreven door Leo van Krukkert. Bobbie Gentry is de artiest’nnaame van Roberta Lee Streeter (Chickasaw County, Mississippi), een Amerikaanse zangeres die geboar’n is op 27 juli 1942. Sie was een van de 1ste vrouwlukke country-artiest’n die zelf heur líédties skreef en was actief van 1964 tot 1981. In de countrywereld was ze redeluk succesvol met as absolute uutschíéter heur ‘Ode to Billie Joe’ det in de zommer van 1967 […]
Plaatnportret geschreven door Leo van Krukkert: De nulde van een moand bestíét nie, zo as bèveurbeeld nul december of nul januari. En ok ’t joar nul bestíét nie; 1 joar veur Christus wut, hoe raar dan ok, op-e-volgd deur 1 joar noa Christus.Mà toch, uuteindeluk hebbe wie àn de geboarte van Jezus oonze huidige joartelling te dank’n en bint wie inmiddels bienoa in 2024 ànbeland.Helaas is d’r in menige plaase […]
Post comments (0)