Plaatnportret

Plaatnportret: Child in Time – Deep Purple

today24 december 2023 10

Background
share close

Plaatnportret geschreven door Leo van Krukkert:

De nulde van een moand bestíét nie, zo as bèveurbeeld nul december of nul januari. En ok ’t joar nul bestíét nie; 1 joar veur Christus wut, hoe raar dan ok, op-e-volgd deur 1 joar noa Christus.

Mà toch, uuteindeluk hebbe wie àn de geboarte van Jezus oonze huidige joartelling te dank’n en bint wie inmiddels bienoa in 2024 ànbeland.

Helaas is d’r in menige plaase in de wēreld, in die ruum 2000 joar’n, niks àn de ömstandigheedn vèraanderd woaronder een kind geboar’n wut en opgruujd.

Want leg ’t vèrhaal van de komst en van ’t jonge lēēm van het kind Jezus mà is oaver de tekst van Child in Time, de klassieker uut 1970 van de Engelse band Deep Purple.

Dit nummer stíét op ’t album Deep Purple in Rock en is in-e-geem deur o.a. de dreiging van opniej een wēreldoarlog mà dan íéne met kernwoap’ns. Het is ’t thema van de Koale Oarlog det in de roerige joar’n ’60 deur menige band àn-e-kaart is.

De inspiratie veur de tekst deden de leden van Deep Purple op tijdens een bezuuk àn de Berlijnse Muure woar de grēnswacht’n (the blind man) op olles en iederíéne scheut’n die de grēnze oaver prèbeern te vlucht’n (bullets flying).

Aj geluk hàn wön ie nie raakt. Mà raakt’n ie gewond en kon ie nie meer veerder dan was ’t, aldus Deep Purple, wacht’n op ’t genadeschot (wait for the ricochet, alhoewel een ricochet feiteluk een ofketsende kogel is).

Op det zogenaamde genadeschot begint zanger Ian Gillan vocaal flink en intens uut te pakk’n en de doar dan weer op volgende gitaarsolo beeld de doodsstrijd uut. Dan plots .. valt het líédtie as’t ware stille en begint weer oaverniej; de volgende vluchter uutbeeldend.
In warkelukheid bint d’r minstens 138 mēnsn um ’t lēēm e-köm bie de vluchtpogingen.

Terugge noar het Kàsvèrhaal; de olders van Jezus bint ok e-vlucht (noar Egypte weltevèrstoan). En íénmoal geboar’n, gruujn Jezus laater op in een vijandige ömgeving die hum tenslotte fataal zol wön.

Zien doodsstrijd waan gin kogels mà de spiekers die hum kruusigden en as ze in die tied elektrische gitaarn en een stopcontact had hàn, dan was d’r doarnoa vast en zeekes iemaand àn een pakkende solo begönn’n.

En luu, loat wie wel wēēn; wat is d’r in ol die tuss’nligg’nde, duuzenden joar’n noe ech vèraanderd ? Zelfs in oonze ‘beschaafde’ wēreld kiekt regeringsleiders nie op een mēēnsnlēēm meer of minder.

Wat det betreft wut het is tied veur aandersoartige Kàslíédties dan die zoetsappig’n die wie meestà heurt. Wie bint Kàslíédties neudig die de bosschop goed en duudeluk oaverbrengt. En Child in Time zol d’r zo mà íéne kun wēēn.

Oaver de titel ‘Child in Time’, of better, oaver de openingszinne van ’t líédtie, valt trouwens nog wè iets te zegg’n.
Die 1ste zinne muj eigeluk net iets āāns lēēzn dan dej mèschien geneigd bint. Nie van:
“Sweet child in time <komma> you’ll see the line …”
Nee, eigeluk muj de komma noar veurtn skóém en dan kriej:
“Sweet child <komma> in time you’ll see the line …”. Een klein mà nie onbelangriek vèrschul.

Hier de video met Sallaands’n ondertiteling en met mooie tiedsbeeld’n van jonge luu uut de seventies:

En hier een mooie video oaver hoe Child in Time ontstoane is:

Bekijk hieronder nog een plaatnportret

Plaatnportret

Plaatnportret: Heart – Stairway to Heaven

Plaatnportret geschreven door Leo van Krukkert:De Amerikaanse band Heart uut Seattle is in de 3 edities van de Lutt’nbargse Top 700 töt nog toe met 9 líédties verteegnwoardigd wes. In de laatste 2 edities steun ok hun cover of better e-zegd hun ode àn de heer’n van Led Zeppelin; Stairway to Heaven. Dit indrukwekkende optreden steun in 2020 en 2022 respectieveluk op de 296ste en 65ste plaase.Ik heb ’t hierbie […]

today19 mei 2024 12 1

Plaatnportret

Extra Plaatnportret: The Common Linnets – Calm After the Storm

Plaatnportret geschreven door Leo van Krukkert.Ha ha ha ha ha ha ha haaaa wat heb ik e-lach’n um det hele circus rondumme Joost Klein. En wat líédt wie in dit laand àn ongeleuflukke zelfoaverschatting.Want det kjealtie in det rare blauwe pak zol ’t volgens de media wè ēēm goan maakn. Nou luu, hij maakn heemoa mà dan ok kats heemoa niks kloar tijdens det sowieso belachlukke circusact-festival. Hij was d’r […]

today13 mei 2024 9

Plaatnportret

Plaatnportret: The Offspring – Gonaway

Plaatnportret geschreven door Leo van Krukkert: Bryan Holland, better bekend as Dexter Holland, is de zanger van de punkrockband The Offspring. Hij en zien vrouw waan ànwezig bie en dus getuuge van een schíétpartieje van bendeleden in een iessalon in Huntington Beach, Californië. Doarbie veuln gin dodelukke slachtoffers mà beide waan donders e-schokt deur ’t gebeur’n. ’t Idee det de dood zó dichbie was, was een moment det zien lēēm […]

today5 mei 2024 11

Plaatnportret

Plaatnportret: The Cure – A Forest

Geschreven door: Leo van Krukkert. Wēreldwied bint d’r in de ofgeloopm decennia miljoenen hectare bos e-kapt. Um-e-rekkend 1 voetbalveld per seconde !! Ok in Nederlaand bint d’r, m.n. de laatste joar’n, duuzenden hectares bos plat e-gooit, per joar 4000 ha. En woerumme ? Nou, umwulle van íén of aandere salamander, kevertie, tonn€n vèrslindende korhoenders, ’t creëren van zaandvèrstóévingen, etc. As of de aandere flora en fauna in detzelfde bos d’r […]

today21 april 2024 9

Plaatnportret

Plaatnportret: Give Peace A Chance – Rockin’ 1000

DRINGENDE OPROEP aan Ursula von der Leyen, Charles Michel, Alexander de Croo, Nikolai Denkov, Mette Frederiksen, Olaf Scholz, Nikos, Christodoulides, Kaja Kallas, Petteri Orpo, Emmanuel Macron, Kyriakos Mitsotakis, Viktor Orbán, Leo Varadkar, Giorgia Meloni, Andrej PLenkovic, Evika Silina, Gitanas Nauséda, Luc Frieden, Robert Abela, Mark Rutte, Karl Nehammer, Donald Tusk, António Costa, Klaus Johannis, Robert Golob, Robert Fico, Pedro Sanchez, Petr Fiala, Ulf Kristersson, Joe Biden, Vladimir Poetin, Jens Stoltenberg, […]

today7 april 2024 15 1

Written by: Redactie Top700

Rate it

Previous post

Plaatnportret

Plaatnportret: Legs – ZZ Top

Plaatnportret geschreven door Leo van Krukkert: Um te voetball’n bi-j 2 bíéne neudig. Mà as d’r een malloot is die 1 van oe bíéne op 2 plaats’n brekt en 5 operaties doarnoa nie helpt, dan is’t kloar.’t Oaverkwaamp Niels Kokmeijer (destieds speller van Go Ahead Eagles) op 17 december 2004. Rachid Bouaouzan (Sparta) zetn met gestrekt bíén een vlíégnde tackle in op ’t scheenbíén van Kokmeijer det einde carrière beteken’ […]

today17 december 2023 9

Post comments (0)

Leave a reply

Your email address will not be published. Required fields are marked *


0%