Luttenberg Top700
Electromusic FM RADIO ONLINE 24/7
play_arrow
London Calling Podcast Yana Bolder
play_arrow
Summer Festival Podcast Robot Heart
play_arrow
Electronic Trends Podcast Aaron Mills
play_arrow
New Year Eve Podcast Robot Heart
play_arrow
Techno Podcast Robot Heart
play_arrow
Flower Power Festival Podcast Robot Heart
play_arrow
Tech House Podcast Robot Heart
play_arrow
Winter Festival Podcast Robot Heart
Um te voetball’n bi-j 2 bíéne neudig. Mà as d’r een malloot is die 1 van oe bíéne op 2 plaats’n brekt en 5 operaties doarnoa nie helpt, dan is’t kloar.
’t Oaverkwaamp Niels Kokmeijer (destieds speller van Go Ahead Eagles) op 17 december 2004. Rachid Bouaouzan (Sparta) zetn met gestrekt bíén een vlíégnde tackle in op ’t scheenbíén van Kokmeijer det einde carrière beteken’ veur de 27 joarige ànvaller.
Nie alleent de Arbitrage Commissie van de KNVB strafn Bouaouzan mà ok Sparta en zelfs ’t Openbaar Ministerie klaagdn hum àn veur zwoare mishandeling. De rechter legdn hum uuteindeluk een veurwaardelukke gevangenisstraf op van 6 moand.
Doarmet is disse hele kwestie een unicum in de Nederlaandse sportgeschiedenis en rechtspraak.
Noe wie ’t dan toch oaver bíéne hebt, schríéver Godfried Bomans hef doar ooit is een mooin uitspraak oaver doane. Det gung oaver de bíéne van filmster en zangeres Marlene Dietrich. Oaver de schoonheid doarvan zei hij: “Had mien vrouw mà 1 zo’n bíén.”
D’r bint ok bes velle líédties woarin bíéne bezöng’n wut zo as in Hot Legs deur Rod Stewart of Crazy Legs deur Darrel Higham en Jeff Beck. Mà de mooiste ode àn de ledemoat’n die oons voartbeweegt wut uut-e-voerd deur de rockers van ZZ Top.
’t Was in 1984 det ze met hun líédtie ‘Legs’ op de propm kwaam’. Al betwiefel ik of ze ’t doarin oaver de bíéne van Marlene Dietrich hebt.
‘Legs’ stíét op ’t ech prachtige album Eliminator. Een wrange titel aj de dubbele bíénbreuk van Niels Kokmeijer in oognschouw nemt want elimineern betekent nameluk ‘uutschakeln’.
ZZ Top kump uut Houston (V.S.) en de band bestíét uut 3 leden woarvan juust de íénige zonder board Beard heet.
Sie spelt heerlukke rock en de videoclippies bint vaake vèrmakeluk. En net det, wat vèrmaak, kunne wie in disse dondere daagn veur Kàsmis bes wè gebruukn.
Hier eers mà is de ‘video’ van ‘Legs’ met Sallaands’n ondertiteling à muj oe van de tekst nie ol te velle veurstell’n. Bie ZZ Top dreijt ’t noe íénmoal um hun lakker in ’t geheur liggende gitaarrock.
En hier de grappige originele clip met de welbekende auto, een Ford Coupé uut 1933 en natuurluk met bonkn bíéne.
Geschreven door: Leo van Krukkert. Wēreldwied bint d’r in de ofgeloopm decennia miljoenen hectare bos e-kapt. Um-e-rekkend 1 voetbalveld per seconde !! Ok in Nederlaand bint d’r, m.n. de laatste joar’n, duuzenden hectares bos plat e-gooit, per joar 4000 ha. En woerumme ? Nou, umwulle van íén of aandere salamander, kevertie, tonn€n vèrslindende korhoenders, ’t creëren van zaandvèrstóévingen, etc. As of de aandere flora en fauna in detzelfde bos d’r […]
DRINGENDE OPROEP aan Ursula von der Leyen, Charles Michel, Alexander de Croo, Nikolai Denkov, Mette Frederiksen, Olaf Scholz, Nikos, Christodoulides, Kaja Kallas, Petteri Orpo, Emmanuel Macron, Kyriakos Mitsotakis, Viktor Orbán, Leo Varadkar, Giorgia Meloni, Andrej PLenkovic, Evika Silina, Gitanas Nauséda, Luc Frieden, Robert Abela, Mark Rutte, Karl Nehammer, Donald Tusk, António Costa, Klaus Johannis, Robert Golob, Robert Fico, Pedro Sanchez, Petr Fiala, Ulf Kristersson, Joe Biden, Vladimir Poetin, Jens Stoltenberg, […]
Plaatnportret geschreven door: Leo van Krukkert.De Poasdaage bint ànstoande, al is veur een hoop luu de betekenis hiervan of-e-zwakt of zelfs kats vot. Zo adverteert supermarkt’n d’r eigeluk ok nie meer met mà nuumt ze ’t teegnswoarigs Lentefeest. En joa, vèdaage de dag stoat d’r sowieso een hoop tradities op de tocht. De ondergang van de íéne en tegelijkertied de opkomst van een aandere religie hef doar zeekes met te […]
Plaatnportret geschreven door Leo van Krukkert.’t Is een rare wēreld hè ? ’t Gedoe bie The Voice en ok bie de NPO met Matthijs van Nieuwkerk veurop. En met Theo Maassen en goa zo mà deur. Bie den laatst’n gíét ’t, as de bewering’n klopt, um huuseluk geweld. Elke vorm van huuseluk geweld is vèrschrikkeluk en elk ‘geval’ is d’r íéne tevelle. En bie sommige slachtoffers mond het uut in […]
Plaatnportret geschreven door: Leo van Krukkert.Tja, d’r loopt een hoop luu op disse aardbol rond die ‘bad’ bint. Met bad bedoel ik dus nie die kuupe water woar aj in kunt goan zitt’n (en woarin lakker ligg’n nie te doen is). Nee, vèrtaald van uut ’t Engels bedoele ik doar luu met die slech bint. En det kan dan weer wēēn, slech in’t beoefen’n van toafeltennis of iets aans, slech […]
Plaatnportret geschreven door Leo van Krukkert De weg die veur oons ligt is lēūg.Det is natuurluk nie zo, à kan ’t zo manks wè liekn mà det kump umdet wuulle mēns’n nie in’t veurtn kunt kiek’n. Wie weet simpelweg nie wat oons te wacht’n stíét. Nie oaver een joar of moand, nee, nog nie íéns oaver een dag of zelfs oaver een uur !!De weg die veur oons ligt is […]
Post comments (0)