Luttenberg Top700
Electromusic FM RADIO ONLINE 24/7
play_arrow
London Calling Podcast Yana Bolder
play_arrow
Summer Festival Podcast Robot Heart
play_arrow
Electronic Trends Podcast Aaron Mills
play_arrow
New Year Eve Podcast Robot Heart
play_arrow
Techno Podcast Robot Heart
play_arrow
Flower Power Festival Podcast Robot Heart
play_arrow
Tech House Podcast Robot Heart
play_arrow
Winter Festival Podcast Robot Heart
Plaatnportret geschreven door: Leo van Krukkert.
D’r bint 61 bands / artiest’n die in de veurgoande 3 edities van de Top700 telkens met 1 líédtie vertegenwoardigd waan en dan doarin ok steeds met ’t zelfde líédtie. Zo steun bèveurbeeld ‘House of the Rising Sun’ resp. op de 267ste, de 45ste en de 231ste plaase. En natuurluk stíét ok dit joar disse klassieker in ‘DE líéste’.
Een klassieker is ‘House of the Rising Sun’ onbetwist. De versie van The Animals (uut 1964) is de meest bekende mà doarnoa is ‘t nog vaake e-coverd, o.a. deur de Top700-bands Muse en Five Finger Death Punch.
The Animals waan echter ok lange nie de eerst’n die ‘House of the Rising Sun’ uutbracht’n.
Zo maakt’n Volkszanger Dave van Ronk uut New York ’t nummer in 1961 eigeluk bekend woarnoa Bob Dylan in 1962 d’r een cover van uutbrach.
Mà ok doar weer veur besteun d’r à versies van, e-zöng’n deur Nina Simone in 1962, Joan Baez in 1960, Woody Guthrie in 1940 (ken ie h’m nog van de Car Song ?) en Clarence Ashley in 1928. Delen van de tekst goat volgens sommigen terugge töt de 16de eeuw !!
Behalv’n een klassieker is ’t dus ok een traditional en ‘t gíét oaver de tragiek van iemaand die zien lēēm vergooid hef. ’t Huus van de Rijzende Zönne zol dan ok een bordeel of gevangenis wēēn. Zelf denk ik det laatste want in ’t laatste couplet wut e-zöng’n oaver ‘that ball and chain’, die van vrogger welbekende ketting die bie een gevangene àn zien bíén vasteklönk’n zat met een zwoare íézer’n balle d’r àn.
The Animals hebt d’r een meesterwark van e-maakt. ’t Intro is uut duuzenden herkenbaar, direkt à noa de 1ste nootn. En de krachtige stemme van Eric Burdon is à net zo herkenbaar. Volgens muziekblad Rolling Stone stíét hij op plekke 57 van de beste zangers ooit.
In ’t middenstuk van ’t líéd gef Alan Price een warkeluk fenomenale demonstratie op zíén elektronische orgel weer, det in de muziekgeschiedenis mèschíén wè nooit meer geëvenaard is.
Oaver de videoclip is duudeluk noadach. De choreografie mag dan hedentendaage oubollig wēēn mà ik vind ‘t prachtig. Kiek hoe de heren zich deur de studio beweegt, mooi getimed in beeld e-brach en nee, flitsende beeld’n bint ’t nie, ’t is oammoa goed te volgn’n.
Sie hebt, in hun uniforme kleding, duudeluk iets neer wuln zett’n.
En alhoewel de losbandigheid zo begin sixties steeds meer zien intrede dee sluut de heren van The Animals hun unieke optreden of met een heel nette, keurige buuging.
Een buuging die ik ok maake veur hun want hun meesterwark ‘House of the Rising Sun’, det noa 60 joar nog steeds strak oavereind stíét en nooit vèrveeld, verdiend det.
Plaatnportret geschreven door: Leo van Krukkert.Veur disse jubileum-editie van het Plaatnportret kwaam ik uut bie Tessa Boomkamp met ‘Onze boerderij’. En det is machtig mooi want ’t zit nameluk zo. Behalv’n det ‘muziek mien lēēm is’ heb ik tegeliekertied detzelfde lēēm weer te dank’n àn een boer. Hij die in de 2de Wēereldoarlog saam met aandere Lutt’nbargers een jonge vrouw uut ’t west’n des laands opving. En die heur en […]
Post comments (0)