Luttenberg Top700
Electromusic FM RADIO ONLINE 24/7
play_arrow
London Calling Podcast Yana Bolder
play_arrow
Summer Festival Podcast Robot Heart
play_arrow
Electronic Trends Podcast Aaron Mills
play_arrow
New Year Eve Podcast Robot Heart
play_arrow
Techno Podcast Robot Heart
play_arrow
Flower Power Festival Podcast Robot Heart
play_arrow
Tech House Podcast Robot Heart
play_arrow
Winter Festival Podcast Robot Heart
Ondanks dat muziekcolumnist Leo van Krukkert donders druk is met de organisatie van het Luttenbergse Top 700 spektakel, lukte het hem toch nog weer een Plaatnportret te maken: ‘Thank you’ van Alanis Morissette. Natuurlijk weer met videoclip met Sallandse ondertiteling.
Oaver 5 daagn is’t zo wiet, dan begint ’s mons um 09.00 uur de Lutt’nbargse Top700. Dit keer in combinatie met een muziekgerelateerde kunstexpositie met o.a. prachtige schilderiej’n. En natuurluk bint d’r ok live-optredens; mini-concertjes van zo’n 20 minuutn.
Zo’n evenement organiseern is een tiedrovende klus. En hoe dichter bie ’t uur U, hoe meer oaverleg. Want d’r mut op ’t laatste moment ontstoane probleem’ op-e-löst wön, d’r bint nog zaken die eigeluk à goed bint mà toch nog effies finetuning behóéft en dan hej nog die zaken die nog nie of-e-rond bint.
Zovelle van huus, zovelle achter de computer is nie meugeluk as ’t thuusfront d’r nie achter stíét. James Brown zöng ooit “This is a man’s world but it would be nothing without a woman or a girl” en ja, de man hef wè geliek.
Deurumme wul ik bie deze mien ‘woman’ bedank’n mà det doe ik niet met ’t líédtie det ik net ànhaaln mà met 1 van heur favoriete líédties, ‘Dank oe’ oftewel ‘Thank you’ van Alanis Morissette.
Disse Canadese zangeres uut Ottawa vèrtrak in 1997 noar India um een aantal nummers te skríém veur heur volgende album. Mà behalv’n det kwaam ze in det Aziatische laand ok töt rust. Feiteluk had ze zoiets in heur hele lēēm nog nooit echt ervaren en sie mos dan ok ech leer’n ‘niks dóén.’
Morissette zegt doar oaver: “Toen ik stopte, was ik stil en ademde ik … ik bleef achter met veel dankbaarheid en inspiratie en liefde en gelukzaligheid. Dat is waar het nummer vandaan komt.”
Thank U werd in oktober 1998 uut-e-brach. ’t Steun 10 wekn in de Top 40 woarvan 3 wekke op 7 as hoogste notering.
De tekst is hier en doar een tikkie cryptisch mà sprekt tegeliekertied ok veur zichzelf. ’t Is ok een bettie ofzett’n teeg’n de gejaagde (Westerse) wēreld met zien consumptiedrang, zien ‘gemanipuleerde’ voedsel en zien status.
De ellende (terror), de teleurstellingen en kwetsbaarheid en olles wat doar uut voart kump vèrstarkt deur de stilte in ’t wijdse Indiaase landschap hebt Alanis Morissette doen beseff’n det wuule mēēnsn wè is wat meer dankbaarheid mag teun’.
Blíéf in oe lēēm nie haatdragend mà dörf te vèrgeem, geniet van het ‘hier en noe’ mà nem manks ok de tied um te rouwen.
Loat lös en loat nie oaver oe hènloopm want ie maagt d’r bes wēēn. En verwonder oe oaver hoe mooi ’t lēēm is en dörf te geleuv’n ‘in meer.’
‘Thank U’ stíét op plaase 648 in de Top700 editie van dit joar.
De Luttenbergse Top 700 start vriedag 16 augustus um 09.00 uur en duurt töt en met dinsdag 20 augustus.
Kiek met en luuster, elke dag van 09.00 töt 23.00 uur, via onze livestream via de site www.luttenbergtop700.nl , dan kuj Rob Zuidema, de nieje Roalter burgemeister ok zíén presenteern.
Of luuster of kiek met via Vechtdal 105.9 of 106.3 FM of Vechtdal TV.
Mà ’t mooiste is aj zelf noar Elckerlyc, Butzelaarstraat 22 in Lutt’nbarg komt um olles live met te maakn. De entree is gratis.
Ook dit jaar is er weer live muziek tijdens de Top700!Vrijdag 16 augustus - 20:00 uur - Erik NeimeijerZaterdag 17 augustus - 16:00 uur - Barbee: Dion Legebeke & Stef HoekjenZondag 18 augustus - 16:00 uur - Meltone Lite: Edward & Melanie WeijenborgZondag 18 augustus - 20:00 uur - Gerlinde Endeman-Schuttevaar & Marielle VerhoefMaandag 19 augustus - 20:00 uur - Thomas Tijs Dat wordt weer gaaf!
Post comments (0)